სოფელ სარფთან, სადაც დღეს ლოდები ჩამოიშალა, ამ დროისთვის სპეციალური ტექნიკაა მობილიზებული და გაწმენდითი სამუშაოები მიმდინარეობს.

ამის შესახებ "სფეისნიუსს" მერის წარმომადგენელმა, აბდულ კახიძემ განუცხადა.

"ტექნიკა მოსულია და მიმდინარეობს გაწმენდითი სამუშაოები. გზა ჩაკეტილია, თუმცა გვაქვს ალტერნატიული გზაც, რომლითაც სარგებლობენ მძღოლები,"-განაცხადა კახიძემ.

შემთხვევის შედეგად არავინ დაშავებულა.

ცნობისთვის, სოფელ სარფთან, ბათუმი-სარფის ავტომაგისტრალზე, კლდე დღეს ჩამოიშალა. უზარმაზარმა ლოდებმა მაგისტრალი ჩაკეტა და შესაბამისად, მოძრაობაც აღნიშნულ მონაკვეთზე ამ დრომდე შეწყვეტილია.