07/09/2022
13:29
პოლიტიკა
საქართველოში არჩევნები ჩატარდება მაშინ, როდესაც ეს კონსტიტუციით და კანონით არის გათვალისწინებული - 2024 წელს,- ასე უპასუხა პარტია „ქართული ოცნების” გენერალურმა მდივანმა კახა კალაძემ ჟურნალისტის მიერ დასმულ შეკითხვას „ნაციონალური მოძრაობის” თავმჯდომარის განცხადებაზე, რომელიც რიგგარეშე არჩევნების დანიშვნის მოთხოვნას ეხება.
„დღეს, ქვეყანას სჭირდება სიმშვიდე, მიმდინარეობს ქვეყნის ეკონომიკური განვითარება, რასაც სჭირდება ხელშეწყობა და ყველაფერი უნდა გავაკეთოთ იმისათვის, რომ ეს მშვიდობა შევინარჩუნოთ და ხელი შევუწყოთ ეკონომიკურ განვითარებას”,- განაცხადა კახა კალაძემ.
„ნაციონალური მოძრაობის“ თავმჯდომარემ ნიკა მელიამ გუშინ, 5 სექტემბერს გამართულ ბრიფინგზე განაცხადა, რომ პოლიტიკური კრიზისის განსამუხტად ვადამდელი არჩევნები უნდა ჩაინიშნოს.
0
0
.jpg)
