პარლამენტის წევრის თამარ კორძაიას განცხადებით, ოპოზიციას პრემიერ - მინისტრ ირაკლი ღარიბაშვილისგან, საქართველოს უსაფრთხოების საკითხებზე, უფრო მეტი ინფორმაციის გაგება სურს.

კორძაიას თქმით, მმართველი გუნდის განცხადება, თითქოს ქვეყანაში მშვიდობა გვაქვს და ეს "ქართული ოცნების" დამსახურებაა არასერიოზულია.

"რუსეთ უკრაინის ომთან მიმართებაში, საქართველოს უსაფრთხოების საკითხებზე გვინდა უფრო მეტი ინფორმაცია და არა მხოლოდ იმაზე საუბარი, რომ მშვიდობა გვაქვს, რადგან "ქართული ოცნების" დამსახურებაა. ჩვენ გვინდა უფრო სერიოზული პასუხები, ისეთ სერიოზულ შეკითხვებზე, როგორ ხედავს საქართველოს უსაფრთხოებას სწორედ ევროინტეგრაციის გზაზე, საქართველოს პრემიერი", - განაცხადა თამარ კორძაიამ.