აშშ-ის სენატის საგარეო ურთიერთობათა კომიტეტი ევროკომისიის გუშინდელ გადაწყვეტილებას ეხმაურება.

როგორც სენატის განცხადებაშია ნათქვამი, საქართველოს, უკრაინისა და მოლდოვის ადგილი ევროატლანტიკურ ოჯახშია.

,,დღეს, ევროკომისია ევროსაბჭოს წინაშე რეკომენდაციას გასცემს, რომ უკრაინასთან და მოლდოვასთან ევროკავშირში გაწევრიანების შესახებ მოლაპარაკებები დაიწყოს და ასევე, საქართველოს მიენიჭოს ევროკავშირის წევრობის კანდიდატის სტატუსი. უკრაინა, საქართველო და მოლდოვა ევროატლანტიკურ ოჯახს ეკუთვნის,“ - ნათქვამია სენატის საგარეო ურთიერთობათა კომიტეტის განცხადებაში.
 

ევროკომისიამ 8 ნოემბერს რეკომენდაციით მიმართა ევროპულ საბჭოს, საქართველოს ევროკავშირის კანდიდატი ქვეყნის სტატუსი მიანიჭოს.