საქართველოს საერთაშორისო ორგანიზაციებში აქვს ისეთივე ერთი ხმა, როგორც სხვა ქვეყნებს, ჩვენ ძალიან მტკიცედ ვიყენებთ ამ ხმას უკრაინის მხარდასაჭერად

საქართველოს საერთაშორისო ორგანიზაციებში აქვს ისეთივე ერთი ხმა, როგორც სხვა ქვეყნებს, ჩვენ ძალიან მტკიცედ ვიყენებთ ამ ხმას უკრაინის მხარდასაჭერად - შალვა პაპუაშვილი

21/03/2022

18:45

პოლიტიკა

A-

რაც შეეხება საერთაშორისო პლატფორმებზე უკრაინის მხარდაჭერას, აქ კიდევ ერთხელ, ხაზგასმით უნდა ვთქვათ, რომ ჩვენს სახელმწიფოს შეიძლება სხვა რესურსები არ ჰქონდეს ისეთი დიდი, მაგრამ ერთი რესურსი, რაც მას თანაბრად აქვს სხვა სახელმწიფოებთან ერთად, ესაა მისი ხმა საერთაშორისო ორგანიზაციებში, - ამის შესახებ პარლამენტის თავმჯდომარემ შალვა პაპუაშვილმა ჟურნალისტებთან განაცხადა.

„საქართველოს აქვს ისეთივე ერთი ხმა, როგორც სხვა ქვეყნებს. სწორედ ამ ერთ ხმას, ჩვენ ვიყენებთ ძალიან მტკიცედ უკრაინის მხარდასაჭერად, იქნება ეს გაერო, ევროსაბჭო, თუ ჰააგის სასამართლო. ამ მხრივ ეს მხარდაჭერა, რა თქმა უნდა ურყევია“, - აღნიშნა პაპუაშვილმა.