დღეს ბანკის ყველაზე გახმაურებულ თავდასხმაში ბრალდებული ბადრი ესებუა, ზუგდიდის სასამართლოს წინაშე წარსდგება. პროცესზე დასასწრებად მას ბადრაგი ბათუმის ციხიდან ზუგდიდში საგანგებოდ ჩაიყვანს.

სასამართლოზე მოხდება ბრალდების მხარის მტკიცებულებების გამოკვლევა, გამოიკითხებიან მოწმეები. დღევანდელი სხდომა ითვალისწინებს მხოლოდ ძველ ბრალდებებზე მსჯელობას – საუბარია ტერორისტული აქტის და ტერორისტული მიზნით მოქალაქეების მძევლად ხელში ჩაგდებაზე.

შეგახსენებთ, ბადრი ესებუას კიდევ ერთი ბრალი, ცეცხლსასროლი იარაღისა და საბრძოლო მასალის შენახვა-ტარებისთვის, დაკავების შემდეგ, 9 თებერვალს წაუყენეს. დაკავებული თავს უდანაშაულოდ მიიჩნევს.