ისრაელის პრემიერ-მინისტრის ბენიამინ ნეთანიაჰუს ადმინისტრიციამ 1-ელ დეკემბერს განცხადება გაავრცელა, სადაც ნათქვამია, რომ ,,ჰამასმა“ ზავით გათვალისწინებული გეგმა დაარღვია - მან არ შეასრულა თავისი მოვალეობა ყველა გატაცებული ქალის გათავისუფლებასთან დაკავშირებით და ისრაელზე სარაკეტო თავდასხმები განახორციელა.  

,, ბრძოლის განახლებით, ისრაელი ხაზს უსვამს, რომ მზად არის, სრულად განახორციელოს საომარი მიზნები, რაც მოიცავს გატაცებულთა გათავისუფლებას, ,,ჰამასის“ ლიკვიდაციასა და იმის გარანტიას, რომ ღაზა აღარ წარმოადგენდეს საფრთხეს ისრაელის მაცხოვრებლებისთვის,“ - ნათქვამია განცხადებაში.

ისრაელის არმიის ინფორმაციით, ისრაელს 1-ელ დეკემბერს გასათავისუფლებელ პირთა ახალი სია ჯერჯერობით არ გაუსაჯაროებია.