სოციალურ ქსელში ვრცელდება კადრები, სადაც ჩანს, რომ სანზონაში კორპუსის ნაწილი ჩამოინგრა. საბედნიეროდ დაშავებული არავინაა. გავრცელებულ კადრებში იქვე შეკრებილი ადგილობრივები ჩანან.

საგანგებო სიტუაციების მართვის სამსახურის ცნობით, მათთან ამ ფაქტის შესახებ შეტყობინება არ შესულა.

დედაქალაქის მერიაში კი აცხადებენ, რომ აღნიშნული, ავარიული კორპუსიდან მოსახლეობა გაყვანილი იყო, პერიმეტრი შემოღობილი. ასევე კორპუსი ჩანაცვლების პროგრამაშია ჩასმული.

"აღნიშნული ავარიული კორპუსიდან მოსახლეობა გაყვანილი იყო, ხოლო პერიმეტრი შემოღობილი. დაწყებულია მოსამზადებელი პროცესი ჩანაცვლების პროგრამის მიხედვით. შენობა სრულად ექვემდებარება დემონტაჟს და მის ნაცვლად ახალი კორპუსი აშენდება“,- აცხადებენ მერიაში.