დედაქალაქის მერის, კახა კალაძის განცხადებით, სამტრედიაში, ბურთის ფორმის ძეგლის დადგმასთან მის ოჯახს კავშირი არ აქვს.

ჟურნალისტების კითხვაზე, დაიდგა თუ არა აღნიშნული ძეგლი მამაის, კარლო კალაძის საპატივსაცემოდ, თბილისის მერი პასუხობს, რომ ბურთის ფორმის ძეგლი ფეხბურთის მოყვარულთა კერძო ინიციატივით დაიდგა და არანაირი შეხება მის ოჯახს ამ ინიციატივასთან არ აქვს.

„ვის გჯერათ, რომ მამაჩემის საპატივსაცემოდ დადგეს ძეგლი? ეს არის კეთილი ადამიანების მიერ გადადგმული ნაბიჯი, სამტრედიაში მცხოვრები იმ ადამიანების, ვისაც უყვარს ფეხბურთი. ეს მათი გადაწყვეტილებაა. ჩემი ოჯახი, მამაჩემი და სამტრედიის მერია აღნიშნულ ფაქტთან კავშირში არაა“, - განაცხადა კახა კალაძემ.

გავრცელებული ინფორმაცია, რომ სამტრედიაში, ქალაქის შესასვლელში, თბილისის მერის, კახა კალაძის მამის, კარლო კალაძის დაბადების დღის აღსანიშნავად ბურთის ქანდაკება დაიდგა, სიმართლეს არ შეესაბამება. - ამის შესახებ სამტრედიელებმა “სფეისნიუსს” განუცხადეს.