საქართველოს პრეზიდენტის ვიზიტი საფრანგეთში გრძელდება. 

ცოტა ხნის წინ სალომე ზურაბიშვილი ფრანგ კოლეგას, ემანუელ მაკრონს ელისეის სასახლეში შეხვდა. შეხვედრის ამსახველი ვიდეო სალომე ზურაბიშვილის სოციალურ ქსელში გამოქვეყნდა. ვიდეოში ჩანს, რომ საფრანგეთის ლიდერმა სალომე ზურაბიშვილს მეუღლესთან ერთად უმასპინძლა.

აღსანიშნავია, რომ ამ შეხვედრამდე, სალომე ზურაბიშვილი და ემანუელ მაკრონი, ,,პარიზის მშვიდობის ფორუმში“ მონაწილეობდნენ და სიტყვითაც გამოვიდნენ.

საფრანგეთის პრეზიდენტმა ფორუმზე, დასკვნით სიტყვაში მსოფლიოსა და ევროპის წინაშე მდგარ გამოწვევებზე საუბრისას, საქართველოს პრეზიდენტს მიმართა და აღნიშნა, რომ კავკასია მათი ფიქრის ერთ-ერთი მთავარი საგანია.