სალომე ზურაბიშვილი ნიდერლანდების, იტალიის, შვედეთის, ირლანდიის, საფრანგეთის, დანიის, გერმანიის, ბელგიის, ხორვატიის და პოლონეთის ლიდერებს მხარდაჭერისთვის მადლობას უხდის და კიდევ ერთხელ უსვამს ხაზს საქართველოსთვის ევროკავშირში გაწევრიანების პერსპექტივის მნიშვნელობას.

„საქართველო იბრძვის იმ რეფორმების განსახორციელებლად, რომლებიც ჭეშმარიტად ევროპულ ქვეყნად გვაქცევს. ევროსაბჭოს გადაწყვეტილება იქნება ჩვენი ქვეყნისთვის და ჩვენი ხალხისთვის ცენტრალური და ისტორიული," - განაცხადა პრეზიდენტმა.