საგარეჯოს ცენტრში, გვიან ღამით, სროლისას გარდაცვლილთა სულის მოსახსენიებელი პანაშვილი მიმდინარეობს.

ქალაქის ცენტრალურ მოედანზე ხალხი ყვავილებით მიდის. ანთებული სანთლებით ისინი პატივს მიაგებენ ტრაგედიის მსხვერპლებს. პანაშვიდს სასულიერო პირები აღავლენენ.

შეგახსენებთ, რომ 20 იანვარს ღამით საგარეჯოში, შეიარაღებულმა პირმა, ერთ-ერთი საცხოვრებელი კორპუსის აივნიდან მოქალაქეებს ავტომატით ცეცხლი გაუხსნა. 

შინაგან საქმეთა სამინისტროს ინფორმაციით, დაიღუპა 5 ადამიანი, მათ შორის ერთი პოლიციელი. დაჭრილია კიდევ 5 ადამიანი, მათ შორის ერთის ჯანმრთელობის მდგომარეობა კვლავ მძიმეა. 

თავად თავდამსხმელმა, ყოფილმა სამხედრომ, 49 წლის ნოდარ ათუაშვილმა, შსს-ს ინფორმაციით, თავი მოიკლა.