საგარეჯოში მოკლული ოთხივე პირის ვინაობა უკვე ცნობილია, ესენი არიან: დავით ნასრაძე, ზაზა ჩიხლაძე, ზაქრო მათიაშვილი და ნოდარ რჩეულიშვილი.

კიდევ ერთი დაღუპული არის პოლიციელი, რომელიც ადგილობრივს გადაეფარა. დაღუპული პოლიციელი - ოთარ ღვინიაშვილია.

როგორც ცნობილია, საგარეჯოში გვიან ღამით ტრაგედია დატრიალდა. ყოფილ სამხედროს მიერ გახსნილმა ინტენსიურმა ცეცხლმა 5 ადამიანი იმსხვერპლა, ხოლო 5 პირი დაიჭრა. გავრცელებული ინფორმაციით, სპეცდანიშნულების გამოჩენის შემდეგ მან თავი მოიკლა. 

გადარჩა ის ადამიანი, ვისაც ოთარ ღვინაშვილი გადაეფარა. 

ამჟამად პოლიციაში გამოკითხვაზეა “ოქროს მოწმე”, თავდამსხმელის ვაჟი, რომელიც შემთხვევის დროს სახლში იმყოფებოდა.