საგარეჯოში, "მთავარის" "ფორმულასა" და "რუსთავი 2-ის" ჟურნალისტებზე თავდასხმისთვის დაკავებულ მამუკა შაქარაშვილს სასამართლომ პატიმრობა შეუფარდა. თელავის რაიონულ სასამართლოში პროცესი ცოტა ხნის წინ დასრულდა.

შაქარაშვილი გუშინ, 14 ივლისს დააკავეს. გამოძიება მას ძალადობასა და ჟურნალისტურ საქმიანობაში ხელშეშლას ედავება.

მამუკა შაქარაშვილი დასუფთავების სამსახურის თანამშრომელია. 

ძალადობისა და ჟურნალისტებისთვის პროფესიულ საქმიანობაში ხელისშეშლის ფაქტი საგარეჯოში 6 ივლისს მოხდა.