საფრანგეთის ქალაქ ვინიუ-სურ-სენში, რომელიც მდებარეობს პარიზის გარეუბანში, უცნობმა პირებმა მეჩეთის ჭიშკარზე ღორის თავი და ლეში ჩამოკიდეს.- ამის შესახებ Parisien იტყობინება.

ქალაქის მუსლიმთა კულტურულმა ასოციაციამ დაგმო ამ „ახალი ისლამოფობიური აქტი“.

"ეს არის სასკოლო არდადეგების პერიოდი. ბევრი ოჯახი იყენებს შესაძლებლობას, რომ შვილები მეჩეთში წაიყვანოს. ჩვენ უნდა გვეპოვა სწორი სიტყვები, რათა ავუხსნათ, რატომ ხდება ასეთი სპექტაკლი", - ნათქვამია მათ განცხადებაში, რომელთან ერთად ფოტოებია გამოქვეყნებული.

როგორც ქალაქის მერმა თომა ჩაზალმა განაცხადა, ეს პირველი მსგავსი შემთხვევაა. ის ვარაუდობს, რომ ჩართული იყო არაადგილობრივი მოსახლეობა და იმედი გამოთქვა, რომ პოლიცია დამნაშავეებს იპოვის.