აზერბაიჯანის პრეზიდენტმა ილჰამ ალიევმა საფრანგეთი გააკრიტიკა და განაცხადა, რომ „კავკასიაში ესკალაციას უწყობს ხელს“.
ამის შესახებ ალიევმა ადგილობრივ ტელეარხებთან ინტერვიუში განაცხადა, იტყობინება სახელმწიფო სააგენტო AZERTAC.
კერძოდ, აზერბაიჯანის პრეზიდენტი უკმაყოფილოა იმით, რომ საფრანგეთი სომხეთს იარაღს აწვდის. ის ამ ქმედებებს აზერბაიჯანის მუდმივი ზეწოლის ქვეშ შენარჩუნების მცდელობად მიიჩნევს.
"საფრანგეთი არის ქვეყანა, რომელიც დღეს სომხეთს აიარაღებს, აიმედებს, ამზადებს სამხედრო პერსონალს და ამზადებს მათ მომავალი ომისთვის. ამიტომ, როდესაც ვთქვი, რომ საფრანგეთის პოლიტიკა ხელს უწყობს დაძაბულობის ესკალაციას კავკასიაში, სწორედ ამას ვგულისხმობდი", - განაცხადა ალიევმა.
ბაქო, როგორც ცნობილია, დიდი ხანია აქტიურად აკრიტიკებს პარიზს სომხეთის მხარდაჭერის გამო, ასევე აზერბაიჯანის მიმართ მკაცრი რიტორიკის გამო, მთიან ყარაბაღში მისი ქმედებების გათვალისწინებით.
დეკემბრის ბოლოს ქვეყნებმა ერთმანეთის ორ-ორი დიპლომატი გააძევეს.
0
0
