მიხეილ სააკაშვილისთვის სასჯელის გადავადებასთან, ან სასჯელისგან გათავისუფლებასთან დაკავშირებით, სასამართლომ გადაწყვეტილება შესაძლოა, დღეს, 6 თებერვალს გამოაცხადოს.

დღევანდელი სხდომა 17:00 საათზეა დანიშნული.

დასკვნით სიტყვებს წარმოთქვამენ როგორც ყოფილი პრეზიდენტის ადვოკატები, ასევე პენიტენციური სამსახურის წარმომადგენლები, რის შემდეგაც მოსამართლე განჩინების გამოსატანად სათათბიროდ გავა.

გამორიცხული არ არის, მოსამართლე გიორგი არევაძემ გადაწყვეტილება დღესვე გამოაცხადოს.

ცნობისთვის, საქართველოს ყოფილი პრეზიდენტისთვის სასჯელის გადავადების, ან სასჯელისგან გათავისუფლებასთან დაკავშირებით სასამართლოს შუამდგომლობით სააკაშვილის ადვოკატებმა მიმართეს. აღნიშნულ შუამდგომლობას მოსამართლე გიორგი არევაძე დაახლოებით, ორი თვეა, განიხილავს.