„საქართველოს ექსპრეზიდენტის მიხეილ სააკაშვილის პატიმრობა პუტინის მიერ არის დაგეგმილი“, - ამის შესახებ Forbes წერს.

გამოცემა აღნიშნავს, რომ ზელენსკის მეგობარი სააკაშვილი მოწამლულია და კვდება პრორუსული რეჟიმის ხელში. 

გამოცემა, ასევე, წერს, რომ სააკაშვილის დაკავება ზელენსკისთვის ჭკუის სასწავლებელია.

„არ უნდა დაგვავიწყდეს, რომ პუტინს უყვარს ძალადობის პერფორმატიულად ან სიმბოლურად განხორციელება. მისი საქართველოში შემოჭრა 2008 წელს იყო პირველი ასეთი სადამსჯელო თეატრი.

15 წლის წინ, აგვისტოში, მიხეილ სააკაშვილი, საქართველოს მაშინდელი პრეზიდენტი, ზელენსკის მეგობარი ბოლო წლებში, საკუთარ ქვეყანაში დაბრუნებული ახლა ციხეშია, მოწამლულია და კვდება პრორუსული რეჟიმის ხელში.

სააკაშვილის ამჟამინდელი მდგომარეობა ცხადია პუტინის მიერ არის დაგეგმილი, როგორც გაკვეთილი სხვა ასეთი ლიდერებისთვის, განსაკუთრებით ზელენსკისთვის“, - ნათქვამია სტატიაში.