დიდი ზომის რუსულ გემს, „ადმირალ ლევჩენკოს“ სწავლების დროს, ბარენცის ზღვაში ცეცხლი გაუჩნდა. ამის შესახებ ინფორმაციას უკრაინის საზღვაო ძალების სპიკერი დიმიტრი პლეტენჩუკი Facebook-ზე ავრცელებს.

უკრაინული მხარის ცნობით, ბორტზე ეკიპაჟის ასობით წევრია.

„ბარენცის ზღვაში დიდი ზომის გემი „ადმირალი ლევჩენკო“ იწვის. გრძელდება გადარჩენისთვის ბრძოლა, იმედია, უშედეგო. ასე ხდება, როდესაც „სუპერსახელმწიფო“ უკრაინისგან სანქციებს იღებს და დამოუკიდებლად არ შეუძლია ძრავების დამზადება.

გადასარევი წვრთნები გაქვთ, ბიჭებო, არ გაჩერდეთ. წარმოდგენა რომ გქონდეთ, იქ ეკიპაჟის რამდენიმე ასეული წევრია“, - წერს უკრაინის საზღვაო ძალების სპიკერი.