შინაგან საქმეთა სამინისტროს ინფორმაციით, რუსთაველის გამზირზე მიმდინარე აქციაზე 6 პირი დააკავეს.

უწყების ცნობით, აქციის ექვსივე მონაწილე ადმინისტრაციული წესით არის დაკავებული.

შეგახსენებთ, ცოტა ხნის წინ პარლამენტის მიმდებარე ტერიტორიაზე აქციის მონაწილეებსა და პოლიციას შორის შეხლა-შემოხლა იყო. პოლიციამ აქციის მონაწილეები ძალის გამოყენებით დააკავა.

მანამდე, აქციის მონაწილეებს პოლიცია მოუწოდებდა, რომ ტროტუარზე გადასულიყვნენ და საავტომობილო მოძრაობა არ შეეზღუდათ.

ამასთან, პარლამენტის შენობის ეზოში ერთ-ერთმა პირმა პიროტექნიკა ისროლა.

შენობის კიბეებთან რამდენიმე ახალგაზრდა იყო შეკრებილი.

მათი ნაწილი, საკანონმდებლო ორგანოსთან ლითონის კონსტრუქციას, პროტესტის ნიშნად, ქვებს ურტყამდა.