რუსმა ოკუპანტებმა კიევის ოლქის საზღვარი გაარღვიეს

24/02/2022

19:48

A-

უკრაინის სახელმწიფო საზღვრის დაცვის სამსახურის ინფორმაციით, რუსმა ოკუპანტებმა კიევის ოლქის სახელმწიფო საზღვარი გაარღვიეს.

რუსი სამხედროები უკრაინის ტერიტორიაზე ვილჩას საგუშაგოდან შეიჭრნენ, მათ წინააღმდეგობას მესაზღვრეებთან ერთად უკრაინელი სამხედროებიც უწევდნენ.

გარდა ამისა, სროლა იყო მლაჩივკას სასაზღვრო დაცვის სამსახურის ლოკაციაზეც.

უკრაინის სახელმწიფო საზღვრის დაცვის სამსახურის განცხადებით, სიტუაციიდან გამომდინარე, სასაზღვრო ქვედანაყოფები გადანაწილდებიან სარეზერვო პოზიციებზე და უკრაინის შეიარაღებულ ძალებთან და ეროვნულ გვარდიასთან ერთად იმოქმედებენ.

772