სამშაბათს საღამოს რუსეთში ინტერნეტი გაითიშა - როგორც ექსპერტები ამბობენ, ალბათ ყველაზე მასშტაბური უახლეს ისტორიაში.

.RU ზონაში ასობით ვებგვერდი, მობილური აპლიკაცია და სერვისი ვერ იხსნებოდა მომხმარებლებისთვის რამდენიმე საათის განმავლობაში, მათ შორის Yandex-ის, Sberbank-ის, VKontakte-ის, Ozon-ის, ასევე სახელმწიფო სერვისების პორტალი.

რუსეთის ციფრული განვითარების სამინისტრომ განაცხადა, რომ პრობლემა დაფიქსირდა, რომელიც დაკავშირებულია DNS პროტოკოლის გაფართოებებთან, რომლის წყალობითაც .RU დომენის ზონა უზრუნველყოფს IP მისამართის გაყალბებას კიბერშეტევების შედეგად. სამინისტრომ პირობა დადო, რომ უახლოეს მომავალში აღადგენს რუსულ საიტებზე წვდომას.

არაერთი ექსპერტი აღნიშნავს, რომ რუსეთის ხელისუფლებამ დიდი ხანია გამოაცხადა გეგმები ქვეყნის ყველა მომხმარებლის ეროვნულ DNS სერვერზე გადაყვანის შესახებ და ვარაუდობენ, რომ ეს არის ზუსტად ის, რაც ახლა ხდება.