რუსეთში, ვორონეჟის ოლქის სოფელ პეტროპავლოვკაში, 2 იანვარს რუსული თვითმფრინავიდან საბრძოლო მასალის გაშვების შედეგად, ოთხი ადამიანი დაშავდა. ამის შესახებ რეგიონის ხელმძღვანელმა ალექსანდრე გუსევმა განაცხადა.

„საბედნიეროდ, დაღუპულები არ ყოფილა. ოთხმა ადამიანმა მცირე დაზიანებებით მიმართა სამედიცინო დახმარებას“, - წერს გუსევი ტელეგრამის არხზე.

მან დასძინა, რომ დანგრეული საცხოვრებლის შესწავლის შემდეგ, გადაწყდა ცხრა სახლის აღდგენა. „დაზიანებულ მანქანებს (ჯერჯერობით ვიცით ხუთი მანქანისა და ტრაქტორის შესახებ) კომპენსაციას გავაკეთებთ და დანგრეულ შენობებს აღვადგენთ“, - წერს გუსევი.

გარდა ამისა, დაზიანდა სოფელში მდებარე სკოლა, სადაც 32 ბავშვი სწავლობს: შენობის რამდენიმე ფანჯარა ჩამოინგრა და სახურავი დაზიანდა.