სამართალდამცავებმა მოსკოვის ცენტრში კენიის საელჩოს შენობაში შესული ორი უსახლკარო პირი დააკავეს. ამის შესახებ TASS-ს სამართალდამცავმა უწყებებმა განუცხადეს.

დიპლომატიური წარმომადგენლობის შენობაში შესასვლელი კარით შევიდნენ მამაკაცი და ქალი. მერე მეორე სართულზე ავიდნენ და სამზარეულოში „ბანკეტი“ გამართეს. სააგენტოს თანამოსაუბრის თქმით, ისინი ეწეოდნენ და სვამდნენ ალკოჰოლს.

სამართალდამრღვევები პოლიციამ დააკავა. მათ მიმართ აღძრულია საქმე წვრილმანი ხულიგნობისა და დაცულ ობიექტზე კონტროლის რეჟიმის დარღვევის მუხლით. უახლოეს მომავალში სასამართლო მათ სასჯელს - ადმინისტრაციულ პატიმრობას ან ჯარიმას შეურჩევს.