ავიალაინერმა Boeing-777-მა რუსეთის ქალაქ იუჟნო-სახალინსკში ავარიული დაფრენა განახორციელა. ამის შესახებ centralasia.media იუწყება.

ავარიული დაფრენის მიზეზი შასის პრობლემა გახდა. დაფრენამ ინციდენტების გარეშე ჩაიარა. ასაფრენი ბილიკიდან თვითმფრინავი აეროპორტის ტერმინალამდე ბუქსირით მიათრიეს. შემდეგ ტექნიკოსებმა პრობლემის მოგვარება დაიწყეს.

2022 წლის მარტის შემდეგ, კომპანიებმა Boeing-მა და Airbus-მა რუსეთში არსებული თვითმფრინავების ტექნიკური მომსახურება შეწყვიტეს. ასევე მათ დაზღვევებიც გააუქმეს. ამის შემდეგ რუსეთმა განაცხადა, რომ ლიზინგში არსებული თვითმფრინავების, (დაახლოებით 800 ხომალდის) ნაციონალიზაცია მოხდა.