ამერიკის შეერთებული შტატების ვიცე-პრეზიდენტმა ჯეი დი ვენსმა The Wall Street Journal-თან ინტერვიუში განაცხადა, რომ რუსეთსა და შეერთებულ შტატებს შორის უკრაინის საკითხზე მოლაპარაკების შედეგი გარიგების დადებაა, რომელიც შოკისმომგვრელი იქნება „ბევრი ადამიანისთვის“.

”მე მჯერა, რომ ამ ყველაფრის შედეგი იქნება გარიგება, რომელიც შოკში ჩააგდებს ბევრ ადამიანს. თეთრი სახლის ხელმძღვანელი დონალდ ტრამპი ობიექტურად აფასებს უკრაინაში არსებულ ვითარებას, რადგან ის მზადაა, ჩაერთოს მოლაპარაკებებში წინასწარ განსაზღვრული მიკერძოების გარეშე. ტრამპი იტყვის: ,,ყველაფერი დღის წესრიგშია, მოდით და ვისაუბროთ’’...,” - თქვა ვენსმა.

სტატიაში ხაზგასმულია, რომ ვენსმა ეს განცხადება ზელენსკისთან და ევროპელ ლიდერებთან შეხვედრის წინა დღეს გაავრცელა. შეხვედრები მიუნხენში უნდა გაიმართოს, სადაც აშშ-ის ვიცე-პრეზიდენტი უსაფრთხოების კონფერენციაზე სიტყვით გამოვა.