პეკინში,  შანხაის თანამშრომლობის ორგანიზაციის სამიტზე, სლოვაკეთის პრემიერ-მინისტრ რობერტ ფიცოსთან ერთად საუბრისას, რუსეთის პრეზიდენტმა ვლადიმერ პუტინმა უარყო ბრალდებები, რომ, უკრაინაში გამარჯვების შემთხვევაში, მოსკოვი ევროპაზე თავდასხმას გეგმავს. 

„ბრალდებები, რომლებიც ეხება რუსეთის განზრახვას, თავს დაესხას სხვა ევროპულ ქვეყნებს, ან პროვოკაციაა, ან არაკომპეტენტურობა. ნებისმიერი გონიერი ადამიანი ხვდება, რომ რუსეთს არასდროს ჰქონია, არ აქვს და არც ექნება ვინმეზე თავდასხმის სურვილი.

მოსკოვი არასდროს ყოფილა ევროკავშირში უკრაინის გაწევრიანების წინააღმდეგი, თუმცა  ნატოში ქვეყნის გაწევრიანება მიუღებელია. ეს ის საკითხია, რაზეც მე დონალდ ტრამპთან ალასკაში გამართულ შეხვედრაზე ვისაუბრე“, - განაცხადა პუტინმა.