რუსეთის იუსტიციის სამინისტრომ “უცხოური აგენტების რეესტრში" კიდევ რვა ადამიანი შეიყვანა, მათ შორისაა ცნობილი მომღერალი ზემფირა. 

“რეესტრში” ასევე შეყვანილია: პოლიტიკოსი დიმიტრი გუდკოვი, პოლიტოლოგი აბას გალიამოვი, ლგბტ აქტივისტი ალექსანდრა კაზანცევა, Violence.net ფონდის ხელმძღვანელი (ასევე შედის უცხოური აგენტების რეესტრში) ანა რივინა, ჟურნალისტი სერგეი ასლანიანი, საარჩევნო ანალიტიკოსი სერგეი შპილკინი და ასევე აქტივისტი ვლადივოსტოკიდან ტატიანა ნაზამბაევა.

რუსეთის იუსტიციის სამინისტროს მიერ გავრცელებულ განცხადებაში აღნიშნულია, რომ ზემფირამ “ღიად გამოუცხადა უკრაინას მხარდაჭერა",  ”არამეგობრულ ქვეყნებში" გამართულ კონცერტებზე გამოდიოდა “სპეციალური სამხედრო ოპერაციის წინააღმდეგ”.