რუსულმა მხარემ ოკუპირებულ აფხაზეთს ელექტროენერგიის მიწოდება შეუმცირა. ამის შესახებ კომპანია ჩერნომორენერგო იტყობინება.

„1 თებერვლიდან რუსეთის ფედერაციიდან ელექტროენერგიის მიწოდების მოცულობის შემცირების გამო, „ჩერნომორენერგო“ აწესებს შეზღუდვების გრაფიკს აფხაზეთის მთელ ტერიტორიაზე“, - ნათქვამია განცხადებაში.

დღეს აბონენტებს ელექტროენერგია დღეში ორჯერ, ორი საათის განმავლობაში ექნებათ.

მანამდე ცნობილი გახდა, რომ ოკუპირებულმა აფხაზეთმა რუსული ელექტროენერგიის უფასოდ მიღება „სოციალური ნაკადის“ მეშვეობით დაიწყო. თუმცა, აფხაზურმა მხარემ მიიღო შეტყობინება, რომ მიწოდება „სრულიად ვერ განხორციელდება რიგი ტექნიკური მიზეზების გამო“.

ენგურჰესის ჯვარის წყალსაცავში, წყლის დაბალი დონის გამო, აფხაზური მხარე იძულებულია, ელექტროენერგია რუსეთიდან მიიღოს.