Astoria Grande-ს ლაინერზე მყოფმა რუსეთის მოქალაქეებმა ლაინერი დატოვეს. მათ სავარაუდოდ, უკვე გაიარეს საპასპორტო კონტროლი და ახლა ბათუმში ტურისთვის ემზადებიან.

ადგილზე მობილიზებულია პოლიცია, ჩამოსული რუსი ტურისტები პორტიდან მიკროავტობუსის საშუალებით გაჰყავთ. პოლიცია აქციის მონაწილეებს ავტობუსებთან მისვლის შესაძლებლობას არ აძლევს.

მოქალაქეები ქვეყანაში რუსი ტურისტების ჩამოსვლას აპროტესტებენ. 

საკრუიზო ლაინერი ბათუმის პორტში გამთენიისას გაჩერდა. სამოქალაქო აქტივისტები ადგილზე მთელი ღამის განმავლობაში იმყოფებოდნენ.

აქციაზე რამდენჯერმე დაიძაბა ვითარება. შსს-ს ცნობით, დაკავებულია 9 პირი.