რუსეთის მართლმადიდებლური ეკლესია მოუწოდებს ერთნაირსქესიანთა გაერთიანებებს, მიმართონ სინანულს. ამის შესახებ TASS-თან საუბარში რუსეთის მართლმადიდებლური ეკლესიის ბიბლიურ-თეოლოგიური კომისიის წევრმა, მართლმადიდებლური წმინდა ტიხონის ჰუმანიტარული უნივერსიტეტის რექტორმა, დეკანოზმა ვლადიმერ ვორობიოვმა განაცხადა.
ამრიგად, სასულიერო პირმა კომენტარი გააკეთა კათოლიკურ ეკლესიაში მიღებულ Fiducia supplicans-ის დეკლარაციაზე ერთნაირსქესიანთა გაერთიანებების კურთხევის შესახებ.
ვორობიოვმა აღნიშნა, რომ რუსეთის მართლმადიდებლური ეკლესიის საეკლესიო კომისიის ყველა წევრმა დაადასტურა, რომ აუცილებელია ცოდვისა და ცოდვილებისადმი განსხვავებულად მოპყრობა. ცოდვა უნდა დაისაჯოს, ხოლო ვინც შესცოდა უნდა მოიწვიოს სინანულისკენ - ცოდვის წინააღმდეგ საბრძოლველად და მასზე გამარჯვებისთვის.
”ეს გამოხატავს სოდომის ცოდვის სრულ უარყოფას და ერთნაირსქესიანთა თანაცხოვრების ნებისმიერი სოციალიზაციის აბსოლუტურ მიუღებლობას”, - თქვა დეკანოზმა.
მან ხაზგასმით აღნიშნა, რომ ეკლესია მოუწოდებს ადამიანებს, რომლებმაც ჩაიდინეს ეს, ან სხვა ცოდვა, მოინანიონ და შეგნებულად დაბრუნდნენ წმინდა ქრისტიანულ ცხოვრებაში.
0
0
