უკრაინის პრეზიდენტის ოფისის ხელმძღვანელის მრჩეველმა, სერგიი ლეშჩენკომ განაცხადა, რომ რუსეთის აგრესიის მთავარ მიზნებად რჩება უკრაინის მთელი ტერიტორიის ოკუპაცია და ქვეყნის პოლიტიკური ხელმძღვანელობის ფიზიკური ლიკვიდაცია.

სერგიი ლეშჩენკოს თქმით, მინიშნებები მოსკოვის მოლაპარაკებებისთვის მზადყოფნის შესახებ, რომელიც საერთაშორისო მედიაში ვრცელდება, მცდარია.

"უკრაინის პრეზიდენტის თანამდებობიდან გადაყენება რუსეთის ერთ-ერთი მიზანია და რუსები შეეცდებიან ამის გაკეთებას, მათ შორის უკრაინის შიგნიდან დესტაბილიზაციის გზით", - აღნიშნა უკრაინის პრეზიდენტის ოფისის ხელმძღვანელის მრჩეველმა.

ლეშჩენკომ ასევე აღნიშნა, რომ რუსეთი ცდილობს "მიღწევად" წარმოაჩინოს დარტყმები სამოქალაქო ობიექტებსა და უკრაინის მშვიდობიან მოქალაქეებზე.