რუსეთი ეთანხმება აშშ-ს წინადადებას უკრაინაში 30-დღიანი ცეცხლის შეწყვეტის შესახებ. რუსული სამთავრობო მედიის ინფორმაციით, ამის შესახებ რუსეთის პრეზიდენტმა ვლადიმერ პუტინმა პრესკონფერენციაზე განაცხადა.

„რუსეთი მხარს უჭერს უკრაინაში 30-დღიანი ცეცხლის შეწყვეტის შემოღებას, მაგრამ ჩნდება კითხვა, რა უნდა გააკეთოს კურსკის ოლქის უკრაინულ მონაკვეთთან დაკავშირებით“, - აღნიშნა პუტინმა.

რუსეთის ლიდერმა ასევე განაცხადა, რომ რუსეთი თანახმაა შეწყვიტოს სამხედრო მოქმედება უკრაინაში, მაგრამ იმ პირობით, თუ ეს გამოიწვევს გრძელვადიან მშვიდობას.

ამასთან, პუტინმა ყურადღება გაამახვილა იმაზე, რომ ცეცხლის შეწყვეტის შემთხვევაში გაურკვეველი რჩება ტერიტორიების კონტროლისა და გადამოწმების საკითხები.