რუსეთის საგარეო საქმეთა მინისტრი, სერგეი ლავროვი აცხადებს, რომ “რუსეთი ენერგეტიკულ პოლიტიკაში არ დაეყრდნობა დასავლეთის ქვეყნებს, აღარ მისცემს მათ გაზსადენების აფეთქების საშუალებას".

„ომმა, რომლის შეჩერებას ჩვენ ვცდილობთ და რომელიც ჩვენს წინააღმდეგ წამოიწყეს უკრაინელი ხალხის გამოყენებით, რა თქმა უნდა, გავლენა მოახდინა რუსეთის პოლიტიკაზე, მათ შორის, ენერგეტიკულ პოლიტიკაზე. მოკლედ, რაც შეიცვალა არის ის, რომ ჩვენ აღარ დავეყრდნობით არავითარ პარტნიორებს დასავლეთში" - განაცხადა ლავროვმა Raisina Dialogue-ის ფორუმზე ნიუ დელიში და ხაზგასმით აღნიშნა, რომ რუსეთი „არ დაუშვებს მათ ააფეთქონ მეტი მილსადენი“. ასე უპასუხა  მინისტრმა კითხვას, - თუ როგორ იმოქმედა უკრაინის კონფლიქტმა რუსეთის ენერგეტიკულ პოლიტიკაზე.