რუმინეთის დედაქალაქ ბუქარესტში მდებარე უკრაინის საელჩომ 6 დეკემბერს, ადგილობრივი დროით, დაახლოებით, 11:00 საათზე ორი საეჭვო კონვერტი მიიღო. ამის შესახებ გამოცემა Digi24 იუწყება.

რუმინული გამოცემის წყაროს ცნობით, პოლიცია შემთხვევის ადგილზე იმყოფება. ადგილზე სპეციალური ჯგუფები მუშაობენ, რომლებიც კონკრეტულ შემოწმებებს ატარებენ.

„სპეციალისტების გუნდები დღეს უკრაინის საელჩოსკენ გაემგზავრნენ 112-ის ხაზზე დარეკვის შემდეგ, სადაც ნათქვამია, რომ რამდენიმე საეჭვო კონვერტია მიღებული. სპეციალუსტებმა დაიწყეს მათი შემოწმების სტანდარტული პროცედურა. პიროტექნიკური კონტროლის შემდეგ დადგინდება, საჭიროა თუ არა ამოღებული კონვერტების უსაფრთხოდ ტრანსპორტირება“ - აღნიშნავს გამოცემა.