რუმინეთში აშშ-ის საელჩომ რუმინელების მიმართ მკაცრი გამაფრთხილებელი განცხადება გაავრცელა.

"თუ ამერიკაში შესვლა არალეგალურად გსურთ, ამაზე არც იფიქროთ. თუ არალეგალურად შემოხვალთ ჩვენს ქვეყანაში და დაარღვევთ ჩვენს კანონებს, დაგიჭერენ, დეპორტირდებით და აშშ-ში ვეღარასოდეს დაბრუნდებით!" - ნათქვამია ამერიკელი დიპლომატების განცხადებაში. 

Profit.Ro-ს ცნობით, დონალდ ტრამპის ადმინისტრაცია რუმინეთისთვის უვიზო მიმოსვლის პროგრამის შესაძლო გადადებას განიხილავს. წყარო ასევე აღნიშნავს, რომ ბოლო დროს ტრამპის ადმინისტრაცია უკმაყოფილების სიგნალებს იღებს რუმინეთში საპრეზიდენტო არჩევნების გაუქმებასთან დაკავშირებით, რამაც გამოიწვია კალინ ჯორჯესკუს კანდიდატურის უარყოფა.