რუმინეთის ცენტრალური საარჩევნო კომისიის პირველადი მონაცემებით, რუმინეთის საპრეზიდენტო არჩევნების პირველ ტურში ოპოზიციური 
პარტიის "ალიანსი რუმინელთა გაერთიანებისთვის" წარმომადგენელი, ევროსკეპტიკოსი ჯორჯ სიმიონი ლიდერობს ხმების 41,32%-ით, 
მეორე ადგილზე კი მმართველი კოალიციის კანდიდატი ანტონესკუა 27,5 პროცენტით.

მესამე ადგილზეა ბუქარესტის მერი ნიკუსორ დანი 13,21%-ით, მეოთხე ადგილს ყოფილი პრემიერ-მინისტრი ვიქტორ პონტა 
იკავებს ხმების 12,95%-ით.

მეორე ადგილზე გასვლის და მეორე ტურში მონაწილეობის თანაბარი შანსები აქვთ  მმართველი კოალიციის კანდიდატს, 
პრეზიდენტის მოვალეობის შემსრულებელ კრინ ანტონესკუს და დამოუკიდებელ კანდიდატს,
ბუქარესტის მერს, ნიკოშურ დანს. 

სიმიონი უკრაინაში პერსონა ნონ გრატად არის გამოცხადებული და ცნობილია მისი ულტრანაციონალისტური დამოკიდებულებებით.

არჩევნებში ჯამში 11 კანდიდატი მონაეილეობს.

შეგახსენებთ, რომ რუმინეთში საპრეზიდენტო არჩევნები 2024 წლის ნოემბერშიც ჩატარდა. მაშინ არჩევნებში დამოუკიდებელმა 
მემარჯვენე კანდიდატმა, კალინ ჯორჯესკუმ გაიმარჯვა, თუმცა რუმინეთის საკონსტიტუციო სასამართლომ საპრეზიდენტო არჩევნების
შედეგები გააუქმა. საკონსტიტუციო სასამართლოს მოსამართლეებმა განაცხადეს, რომ შედეგის ბათილად ცნობის გადაწყვეტილება მიიღეს
სადაზვერვო დოკუმენტების საფუძველზე, რომლებიც არჩევნების პირველ ტურზე რუსეთის გავლენას ადასტურებს.