რუმინეთის პრემიერ- მინისტრს შევხვდი, მივიღეთ სრული მხარდაჭერა კანდიდატის სტატუსის მინიჭების საკითხში, - ამის შესახებ საქართველოს პარლამენტის თავმჯდომარემ, შალვა პაპუაშვილმა ჟურნალისტებს განუცხადა.

„შეხვედრაზე ხაზი გაესვა, რომ რუმინეთი ყოველთვის მხარს უჭერდა, რომ საქართველოს კანდიდატის სტატუსი მინიჭებოდა. მივიღეთ შემოთავაზება მხარდაჭერისა არა მხოლოდ ახლა, პოლიტიკური გადაწყვეტილების მიღების პროცესში, არამედ შემდეგ პროცესში, რასაც ჰქვია კანონმდებლობის დაახლოება ევროპულ სამართალთან.

შეხვედრაზე ხაზი გაესვა, რომ სტრატეგიული პარტნიორობა სწორედ ასეთ მომენტებში იწრთობა, როდესაც პოლიტიკური გადაწყვეტილების მიღების დროს მხარდაჭერაა საჭირო“, - განაცხადა შალვა პაპუაშვილმა.