რუმინეთი ეუთოს საპარლამენტო ასამბლეის სხდომაზე მონაწილეობისთვის, რუსეთს ბუქარესტში შესასვლელ ვიზას არ მისცემს. ამის შესახებ რუსეთის საგარეო საქმეთა სამინისტროს ოფიციალური წარმომადგენელი მარია ზახაროვა „ტელეგრამზე“ წერს.

„ბუქარესტში ივნისის ბოლოს დაინიშნა ეუთოს საპარლამენტო ასამბლეის სხდომა. და აი, ჩვენი მისამართით, ამ ორგანიზაციის დამფუძნებელმა ქვეყნებმა მიიღეს ნოტა რუმინეთის საგარეო საქმეთა სამინისტროსგან. მასში ნათქვამია, რომ „უკრაინის წინააღმდეგ, რუსული აგრესიის გათვალისწინებით“, რუსეთის ფედერაციის დელეგაციის არცერთ წევრს არ ექნება ვიზა, ან ქვეყანაში შესვლის უფლება.

ბრავო, რუმინელებო! თქვენ წვლილი შეგაქვთ ევროპაში თანამშრომლობისთვის ამ ოდესღაც სასარგებლო ორგანიზაციის განადგურებაში. ჩვენ აუცილებლად დავიმახსოვრებთ ამას!“ - წერს ზახაროვა.