რომში, ბენზინგასამართ სადგურზე მომხდარი აფეთქების შედეგად, სულ მცირე 21 ადამიანი დაშავდა. ამის შესახებ გამოცემა ASNA იტყობინება.

აღსანიშნავია, რომ აფეთქების ხმა მთელ ქალაქში ისმოდა. რომზე კვამლის უზარმაზარი სვეტი ავიდა. სავარაუდოა, რომ ბენზინგასამართი სადგურის ნანგრევების ქვეშ ჯერ კიდევ ხალხია. ადგილზე სასწრაფო დახმარების სამსახურები მუშაობენ.

მანამდე გავრცელდა ინფორმაცია, რომ რომში ბენზინგასამართი სადგური აფეთქდა მას შემდეგ, რაც სატვირთო მანქანა მილსადენს შეეჯახა.

ბენზინგასამართ სადგურზე აფეთქება ადგილობრივი დროით დილის 8 საათზე მოხდა. ცეცხლის სვეტი ქალაქის სხვადასხვა წერტილიდან ჩანდა.

ტერიტორია, სადაც აფეთქება მოხდა, ამ დროისთვის გადაკეტილია.