დღეს ავტოსაგზაო შემთხვევა მოხდა ბათუმში. 13 წლის გოგოს მანქანა მაშინ დაეჯახა, როცა ის სხვა ავტომობილიდან გადმოდიოდა.

შემთხვევა ფრიდონ ხალვასის გამზირზე მოხდა. 

როგორც "სფეისნიუსს" მოზარდის ოჯახის ახლობელმა განუცხადა, ბავშვი თავდაპირველად, ბათუმის სამედიცინო ცენტრში  გადაიყვანეს, მოგვიანებით კი, კატასტროფის ბრიგადამ, ბათუმის იაშვილის სახელობის დედათა და ბავშვთა საავადმყოფოში მოათავსა.

მის სიცოცხლეს  საფრთხე არ ემუქრება და მდგომარეობა სტაბილურია.

ჩვენი ინფორმაციით, მძღოლი, რომელიც არასრულწლოვან გოგონას დაეჯახა, არ მიმალულა.