26/07/2024
14:41
მსოფლიო
![main-img]( /storage/files/%E1%83%9D%E1%83%9A%E1%83%98%E1%83%9B%E1%83%9E%E1%83%98%E1%83%90%E1%83%93%E1%83%98%E1%83%A1%20%E1%83%A9%E1%83%90%E1%83%A8%E1%83%9A%E1%83%90.png )
საფრანგეთში ოლიმპიადის პერიოდში არეულის მოწყობის დაგეგმვის ბრალდებით, რუსეთის მოქალაქეა დაკავებული. როგორც ირკვევა, დაკავებული წარსულში რუსული რეალითი შოუს შეფ-მზარეული იყო. მას ჯაშუშობას ედავებიან. გავრცელებული ინფორმაციით, რუსი მამაკაცი ნასვამ მდგომარეობაში ყოფნის დროს ტრაბახობდა, რომ პარიზის ოლიმპიადაზე არეულობას მოაწყობდა. სწორედ ამის შემდეგ დაიწყეს მასი თვალთვალი.
40 წლის კირილ გრიაზნოვი პარიზში, თავის ბინაში დააკავეს მას შემდეგ, რაც ევროპული სადაზვერვო სააგენტოების წარმომადგენლები აკვირდებოდნენ მის მოქმედებებს თვეების განმავლობაში.
![](https://cdn.ambebi.ge/media/images/2024/07-26/griaznovi1-45370.webp)
მედიის ცნობით, სა,ართალდამცველებმა გრიაზნოვის ბინის ჩხრეკისას აღმოაჩინეს მასალა. რომელიც ამტკიცებს მის გავშირს რუსეთის უშიშროების ფედერალურ სამსახურთან (FSB). დაზვერვის წარმომადგენლებმა აღმოაჩინეს "მასშტაბური პროექტი“, გეგმა პრორუსული ოპერაციის, რომელიც ოლიმპიადის დროს დესტაბილიზაციის მოწყობას გულისხმობდა.
გრიაზნოვს მაისიდან ადევნებდნენ თვალს. მაისში, სავარაუდო ჯაშუში, სტამბოლიდან პარიზში უნდა გაფრენილიყო, თუმცა ბორტზე არ აუშვეს, რადგან ძალიან მთვრალი იყო. ამის შემდეგ ის ბულგარეთში წავიდა, რათა ბულგარეთიდან გაფრენილიყო პარიზში. შევიდა ერთ-ერთ რესტორანში, საიდანაც მოსკოვში დაზვერვის თანამშრომლებს დაურეკა.
ის ნასვამ მდგომარეობაში ყოფნისას ტრაბახობდა თავის უფროსთან, გარდა ამისა, პარიზში მეზობლებსაც კი უთხრა, რომ სპეციალური მისია ჰქონდა - ოლიმპიური თამაშების ჩაშლა. მოგვიანებით, როდესაც უკვე დაიწყეს თვალთვალი, ცნობილი გახდა, რომ მამაკაცს მჭიდრო კავშირი ჰქონდა რუსული დაზვერვის სამსახურებთან.
![](https://cdn.ambebi.ge/media/images/2024/07-26/griaznovi2-45395.webp)
საფრანგეთის დედაქალაქში გადასვლამდე გრიაზნოვმა დაამთავრა რუსეთის პერმის სახელმწიფო უნივერსიტეტის იურიდიული ფაკულტეტი და შემდეგ გამოდიოდა შოუში "ამირჩიე მე“, სადაც წარმატებულ ბიზნესმენად წარმოაჩენდა თავს. რუსეთში ის ცნობილი ადამიანია და ინსტაგრამზე 100 000-ზე მეტი გამომწერი ჰყავს. მედიის ცნობით, ის საფრანგეთში 14 წელი ცხოვრობდა. 2010 წელს შეფ მზარულობას სწავლობდა პარიზის Le Cordon Bleu-ში. მალევე ის გახდა შეფ მზარეული რესტორანში, რომელიც მიშლენის ვარსკვლავის მფლობელია. რესტორანი კი ალპებში მდებარეობს და რუსი ოლიგარქების საყვარელი ადგილია.
აღმოაჩინეს ასევე საიდუმლო დოკუმენტები, რომელიც ჩეჩნეთის ომის ვეტერანმს მაიორ ანდრეი ბელიაშოვს უკავშირდება. ასევე აღმოჩნდა, რომ ის ხშირად იღებდა თხოვნებს რუსეთის დაზვერვის ოფიცრების პროფილების გადამოწმების შესახებ.
0
0