მედიის ცნობით, დიარბაკირში, ცენტრალურ რაიონში მხცოვრები ტაშების ოჯახიდან 8 ადამიანის გადარჩენა მოხერხდა, თუმცა, დაიღუპა 12 წლის რიუზარ ტაში, რომელმაც სიკვდილამდე ოჯახის წევრების სიცოცხლე იხსნა.

"12 წლის რიუზარ ტაშმა, რომელსაც მიწისძვრის დროს არ ეძინა, როგორც კი ძლიერი ბიძგები იგრძნო, დედ-მამა და თავისი ექვსი და-ძმა გააღვიძა. მისმა ხუთმა ძმამ შენობიდან გაქცევა მოასწრო, მისი და, დედ-მამასთან ერთად კი ნანგრევებში მოჰყვნენ და დახმარების შემდეგ გამოაღწიეს იქიდან. თავად ბიჭი კი ნგრევას ვერ გადაურჩა“, - წერს თურქული მედია ოჯახის წევრების მონაყოლზე დაყრდნობით.

ბოლო მონაცემებით, თურქეთსა და სირიაში მომხდარ მიწისძვრას 22 000-ზე მეტი ადამიანი ემსხვერპლა.