სლოვაკეთის ქალაქ ბანსკა ბისტრიცაში, პრემიერ-მინისტრ რობერტ ფიცოს მკვლელობის მცდელობის ბრალდებით დაკავებული იურაი ცინტულას სასამართლო პროცესი გაიმართა. ცინტულა ტერორიზმის ბრალდებით გაასამართლეს.

პროკურორის მიერ სასამართლო პროცესზე წაკითხულ ჩვენებაში ცინტულამ განაცხადა, რომ ის არ ეთანხმებოდა მთავრობის პოლიტიკას, მათ შორის კორუფციასთან დაკავშირებული სპეციალური პროკურატურის გაუქმებას, უკრაინისთვის სამხედრო დახმარების შეწყვეტას და მთავრობის მიდგომას კულტურის მიმართ. 

„გადავწყვიტე, პრემიერ-მინისტრის ჯანმრთელობისთვის ზიანი მიმეყენებინა, მაგრამ არავის მოკვლის განზრახვა არ მქონდა. გაუმარჯოს დემოკრატიას, გაუმარჯოს თავისუფალ კულტურას!“, - განაცხადა ცინტულამ სპეციალიზებულ სისხლის სამართლის სასამართლო დარბაზში. 

72 წლის იურაი ცინტულას ბრალი ედება 2024 წლის 15 მაისს ფიცოსთვის ცეცხლის გახსნა. ინციდენტი ბრატისლავიდან 180 კილომეტრში, ქალაქ ჰანდლოვაში, სამთავრობო შეხვედრის შემდეგ მოხდა. ცინტულა დაუყოვნებლივ დააკავეს.