გარდაბნის რაიონის ერთ-ერთ სოფელში, შვილმა მამას ცივი იარაღით სასიკვდილო ჭრილობები მიაყენა. მამა ადგილზე დაიღუპა. 

არსებული ინფორმაციით, დანაშაულს წინ მამა-შვილს შორის სიტყვიერი და ფიზიკური დაპირისპირება უძღოდა. 

როგორც მეზობრები ამბობენ, მკვლელი 21 წლის ბიჭია. მათივე თქმით, შემთხვევის დროს მამა არაფხიზელ მდგომარეობაში იყო. მამის მკვლელობაში ბრალდებული ახალგაზრდა რამდენიმე წუთის წინ დააკავეს.

გამოძიება სისხლის სამართლის კოდექსის 11 პრიმა 109-ე მუხლით მიმდინარეობს, რაც ოჯახის წევრის მიმართ ჩადენილი განზრახ მკვლელობას გულისხმობს.