რუსთავში, ე.წ. სტამბულის ბაზარზე 4 პირის მკვლელობასა და 1 ადამიანის დაჭრაში ბრალდებული გიორგი ორველაშვილის ძმა სისხლის სამართლის კოდექსის 238-ე მუხლითაა დაკავებული. ამის შესახებ ინფორმაცია "ინფო რუსთავს" შინაგან საქმეთა სამინისტროდან მიაწოდეს.

სსკ-ის 238-ე მუხლი ცეცხლსასროლი იარაღის (მათ შორის, სანადირო გლუვლულიანი ცეცხლსასროლი იარაღის (თოფის)) დაუდევრად შენახვას გულისხმობს.

არსებული ინფორმაციით, იარაღი, რომელიც გუშინ ე.წ. სტამბულის ბაზარში გიორგი ორველაშვილმა გამოიყენა, მისი ძმის საკუთრება იყო.

25 წლამდე მამაკაცი წინასწარი დაკავების იზოლატორშია მოთავსებული.