ჩეხეთის დასახლება კრაბშიცეში ბოროტმოქმედებმა საცხენოსნოდან 16 წლის ინგლისური ჯიშის ცხენი მოიპარეს. ამის შესახებ snob.ru იუწყება.

ცხენის სახელია ზაზუ და მისი მფლობელი ჩეჩნეთის ლიდერი რამზან კადიროვია. ცხენის ფასი 19 ათასი დოლარია. პოლიცია გამოძიებას ატარებს. ცხენი, ისევე როგორც კადიროვის სხვა ქონება, სანქციების გამო დაყადაღებული იყო.

კადიროვმა ზაზუ 2012 წელს გერმანიაში შეიძინა. ამის მიზანი დუბაის თასში მონაწილეობა იყო, რომლის საპრიზო ფონდი 30,5 მლნ აშშ დოლარს შეადგენს. ცხენმა 36 ტურნირში მიიღო მონაწილეობა და მისმა მოგებამ, 1,2 მლნ ევრო შეადგინა.

რამზან კადიროვის წინააღმდეგ სანქციები ჯერ კიდევ 2014 წელს დაწესდა. მან რამდენჯერმე სცადა სანქციების გაუქმება, თუმცა უშედეგოდ.