“სამხრეთ ქუვეითში, ქალაქ მანგაფში მდებარე შენობაში გაჩენილი ხანძრის შედეგად, სულ მცირე, 41 ადამიანი დაიღუპა,”  - განაცხადა ქვეყნის ვიცე-პრემიერმა შეიხ ფაჰად იუსუფ საუდ ალ-საბამ ადგილზე ვიზიტის დროს.

ვიცე-პრემიერმა უძრავი ქონების მფლობელები სამართალდარღვევებში დაადანაშაულა და დასძინა, რომ ინციდენტი ამ ფაქტორებმა გამოიწვია.

"შენობაში, სადაც ხანძარი გაჩნდა, დიდი რაოდენობის მუშები ცხოვრობდნენ. ათობით ადამიანის გადარჩენა მოხერხდა, მაგრამ, სამწუხაროდ, ხანძრის კვამლის ჩასუნთქვის შედეგად, ბევრი მუშა დაიღუპა", - განუცხადა ქუვეითის სახელმწიფო ტელევიზიას პოლიციის წარმომადგენელმა.

ოფიციალური პირების თქმით, ხანძარი ლიკვიდირებულია და მისი გამომწვევი მიზეზების გამოძიება მიმდინარეობს.