ქუთაისის ცენტრში, მესხიშვილის თეატრთან, სადაც ერთ-ერთი სასტუმროს ეზოში საგამოძიებო მოქმედებები მიმდინარეობდა, არსებული ინფორმაციით, ქუთაისის საკრებულოს უმრავლესობის წევრი ზაქრო მამასახლისი დაჭრეს.

როგორც ადგილობრივები აცხადებენ, დავა მეზობლებს შორის ყოფით ნიადაგზე დაიწყო და დაჭრით დასრულდა. მას დანით რამდენიმე ჭრილობა აქვს მიყენებული.

ადგილობრივების ინფორმაციით, მეზობელი საკრებულოს დეპუტატს საკანალიზაციო ჭასთან დაკავშირებული საკითხის გამო ედავებოდა.

მომხდარზე გამოძიება დაიწყო.