ინგლისში, კომერციულ ქალაქ ნუნეტონში, 30 წლამდე მამაკაცი დანით სასიკვდილოდ დაჭრეს. პოლიცია მკვლელს ეძებს. 
ადგილობრივი პოლიციის განცხადებით, დაშავებული საავადმყოფოში სასწრაფოდ გადაიყვანეს, მაგრამ, მოგვიანებით, მიყენებული დაზიანებების შედეგად, მამაკაცი გარდაიცვალა. 

"შემთხვევის შესახებ ინფორმირებულია დაღუპულის ახლობლები. მკვლელობის მიზეზის შესახებ გამოძიება მიმდინარეობს. ეჭვმიტანელი ჯერჯერობით დაკავებული არ არის, მკვლელის ძებნა დაწყებულია. გვსურს, თანამშრომლობისთვის მადლობა გადავუხადოთ ადგილობრივ მოსახლეობას და კომერციულ ფირმებს,“ - ნათქვამია პოლიციის განცხადებაში.